Professor - o'qituvchilar va doktorantlarga xorij tajribalari
Xabaringiz bor institutimizning ilmiy ishlar va innovatsiyalar bo‘yicha prorektori Tohirjon Sultanov AQSHga qilgan xizmat safari bo‘yicha rektorat a’zolariga taqdimot qilgan edi. Taqdimot natijalaridan kelib chiqqan holda, institutda faoliyat yuritib kelayotgan Gidromelioratsiya fakulteti professor-o‘qituvchilari, doktorantlar va talaba-magistrantlar uchun bugun 4 ma’ruzalar zalida AQSHning Kaliforniya Devis universitetining faoliyati, Kaliforniya shtatida suv resurslarini boshqarish, suv tejovchi texnologiyalar, yer osti suvlaridan foydalanish va ularni boshqarishga doir almashinilgan tajribalarni to‘liq va tushunarli qilib qatnashchilar e’tiboriga yetkazdi.
Shu bilan birga, TIQXMMI hamda Devis Universitetining faoliyat yo‘nalishlari deyarli bir xil ekanligi, dunyoda agrar-iqtisodiy sohalarda yetakchilardan biri sanalib kelinayotgan ushbu ta’lim dargohi bilan kelajakda institutimizning Gidromelioratsiya fakultetini hamkorlikda birga ishlash yo‘nalishlari to‘g‘risida aytib o‘tib, o‘zaro fikrlar almashildi.
Institut xalqaro reyting faoliyatini monitoring qilish bo‘limi boshlig‘i G‘iyosiddin G‘oziyev axboroti
Institut matbuot kotibi Rahimboy Jumaniyozov